Yangiliklar

Osiyo-Tinch okeani taʼlim vazirlarining ikkinchi mintaqaviy konferensiyasi boʻlib oʻtmoqda

Ayni kunlarda Tailand poytaxti Bangkok shahrida Osiyo-Tinch okeani taʼlim vazirlarining ikkinchi mintaqaviy konferensiyasi oʻtkazilmoqda.

Unda mintaqaning YUNESKOga aʼzo 46 mamlakatidan taʼlim sohasidagi vazirlar, hukumat rasmiylari, nodavlat-notijorat tashkilotlari mutasaddilari taklif etilgan.

Xususan, ushbu anjumanda Oʻzbekiston nomidan milliy koordinator sifatida Taʼlim sifatini nazorat qilish davlat inspeksiyasi bosh boshqarma boshligʻi Asliddin Odilov ham ishtirok etishmoqda.

“Taʼlimni qayta qurish va taʼlim tizimini yanada sezgir, dolzarb va barqarorga oʻzgartirish: BRM 4 - Taʼlim 2030 sari taraqqiyotni tezlashtirish” mavzusida tashkil etilgan konferensiyada quyidagi masalalarga alohida eʼtibor qaratilmoqda:

• Osiyo va Tinch okeani mintaqasida BRM 4-Taʼlim 2030 yoʻnalishidagi dastlabki 7 yillik taraqqiyot haqida fikr almashish;
• Koronavirus padnemiyasi va uning oqibatlariga eʼtibor qaratgan holda mintaqada BRM 4 sari olgʻa siljishdagi muammolarni aniqlash;
• Taʼlimni tiklash va tizimni oʻzgartirish boʻyicha samarali siyosat, amaliyot va innovatsiyalarni baham koʻrish va ulardan oʻrganish;
• Harakatning ustuvor yoʻnalishlari va strategiyalarini aniqlash va kelishib olish;
• Mintaqadagi BRM 4ni amalga oshirishni tezlashtirish va harakatlar boʻyicha tavsiyalar ishlab chiqish uchun taʼlim/taʼlimni tiklash va tizimni COVID-19dan tashqari oʻzgartirish boʻyicha asosiy qadamlarni aniqlash.

Manba: https://tdi.uz/uz/news/4981

369