Yangiliklar va e'lonlar

Kasbiy ta’lim tashkilotlarining moddiy-texnik bazasini modernizatsiya qilish: Janubiy Koreyaning ilg‘or tajribasi va innovatsion yondashuvlari o‘rganilmoqda.

Kasbiy ta’lim agentligi va Kasbiy ta’limni rivojlantirish instituti vakillari Koreya Respublikasida o‘tkazilayotgan seminar-treninglarda ishtirok etmoqda.

Seminar-treninglarning asosiy maqsadi - Koreya tajribasini milliy tizimga moslashtirib, ta’lim sifatini oshirish va mehnat bozoriga mos raqobatbardosh mutaxassislar tayyorlash.
Seminar-treninglar doirasida 5 ta ustuvor yo‘nalishga alohida e’tibor qaratilmoqda:

🔹 Ilmiy-metodologik asoslar. Kasbiy ta’lim siyosati, qonunchiligi va milliy malaka tizimi;
🔹 Raqamli transformatsiya va AI. AI, LMS/LXP va XR texnologiyalarini ta’limga joriy etish;
🔹 Ta’lim va ishlab chiqarish integratsiyasi. Incheon elektronika Meister maktabida real loyihalar asosida kadr tayyorlash tajribasi;
🔹 Moddiy-texnik baza. Laboratoriyalarni modernizatsiya qilish, PBL va aralash ta’lim;
🔹 Strategik boshqaruv. Rivojlanish strategiyalari, KPI va Koreya–O‘zbekiston hamkorligi
masalalariga e’tibor qaratilmoqda.

Seminarlar davomida ochiq muloqot tashkil etilib, ta’limni ishlab chiqarish bilan integratsiyalash va zamonaviy texnologiyalarni joriy etish bo‘yicha fikr almashildi.