Professional ta’limni rivojlantirish institutida joriy yilning 12-sentyabr kuni Kasbiy ta’limda malakali kadrlar tayyorlash tizimini yanada takomillashtirishda xalqaro ta’lim dasturlarini joriy qilishning dolzarb muammolari, yechimlari va istiqbollari mavzusida respublika ilmiy-amaliy anjuman o‘tkazilishi rejalashtirilgan.
Anjuman quyidagi yo‘nalishlarda tashkil etiladi:
1-shoʻba. Kasbiy ta’limning barcha darajalari bo‘yicha kadrlar tayyorlaydigan yagona ko‘p tarmoqli o‘quv muassasalari tizimini joriy qilish masalalari;
2-shoʻba. Kasbiy ta’lim tashkilotlari o‘quv jarayoniga xalqaro ta’lim dasturlarini joriy qilish istiqbollari;
3-shoʻba. Kasbiy ta’lim tashkilotlarida o‘quv jarayonlarini bosqichma-bosqich raqamlashtirish, kasbiy ta’limning sifat va samaradorligini oshirishga qaratilgan maxsus elektron platformani joriy qilish masalalari;
4-shoʻba. Kasbiy ta’lim tashkilotlarini zarur o‘quv adabiyotlari, uslubiy qo‘llanmalar va raqamli kontentlar bilan ta’minlash, ularning laboratoriya va ustaxonalarini zamonaviy uskunalar bilan jihozlash istiqbollari;
5-shoʻba. Kasbiy ta’lim tashkilotlari bitiruvchilarining ko‘nikma va kompetensiyalarini baholash tizimini tubdan yangilash va ushbu jarayonda ish beruvchilar vakillarining faol ishtirok etishi uchun qulay shart-sharoitlar yaratish masalalari.
Maqola (tezis) topshirishning oxirgi muddati: 2025-yil 1-sentabr.
Maqola matni belgilangan talablar asosida rasmiylashtirilib, https://t.me/M_979_R telegram manzili orqali qabul qilinadi.
PDF faylini yuklab olish...