Xalqaro hamkorlik

Institut professional ta’lim sohasida О‘zbekiston Respublikasi qonunchiligi doirasida xorijiy davlatlarning turdosh tashkilotlari va muassasalari bilan hamkorlik qilish masalalari yuzasidan shartnomalar tuzadi, xalqaro loyiha va dasturlarda ishtirok etadi.

Institutning xalqaro hamkorligi quyidagilarga asosan amalga oshiriladi:

professional ta’lim tizimini rivojlantirish, ta’lim tizimi sifatini oshirish, kadrlarni qayta tayyorlash va malakasini oshirish bо‘yicha samarali xorijiy tajribalarni о‘rganish hamda ilmiy-tadqiqot ishlari olib borish yuzasidan xalqaro dastur va loyihalarda ishtirok etish – Institut yо‘nalishiga mos faoliyatlarni amalga oshiradigan xorijiy muassasalar va markazlar bilan ilmiy-metodik hamkorlik qilish;
xorijiy davlatlar fuqarolarini shartnoma asosida malakasini oshirish va qayta tayyorlash;
Institut xodimlarini, tinglovchilarni hamda pedagoglarni ilg‘or xorijiy mamlakatlardagi yetakchi ilmiy va о‘quv markazlarida malaka oshirishlarini tashkillashtirish;
professional ta’lim tizimini innovatsion rivojlantirish, qayta tayyorlash va malakasini oshirish sohasida xalqaro ilmiy, ilmiy-amaliy konferensiya, simpozium, anjuman va kо‘riklarni tashkil qilish va xorijiy davlatlar tadbirlarida ishtirok etish.

Institut hozirgi kunda quyidagi xalqaro ta’lim tashkilotlari bilan hamkorlik memorandumlari imzolangan:

№	Tashkilot nomi	Faoliyati
1	UNESCO (YuNESKO)	Birlashgan Millatlar tashkilotining ta’lim, fan va madaniyat masalalari bo‘yicha ixtisoslashtirilgan muassasasi
2	IRPO – Rossiya Federatsiyasi professional ta’limini rivojlantirish instituti	Professional ta’limini rivojlantirish instituti ta”lim, ilmiy, ijtimoiy va madaniy funksiyalarni amalga oshirish uchun tashkil etilgan unitar notijorat muassasasi
3	Moskva viloyati ilg‘or kasbiy tayyorgarlik markazi	Fuqarolarning uzluksiz ilg‘or kasbiy ta’lim tizimini shakllantirish hamda raqamli iqtisodiyot sohasini o‘z ichiga olgan yangi kasbiy ko‘nikma va malakalarga egallashini ta’minlash
4	RIPO – Belarussiya Respublikasi professional ta’lim instituti	Ta’lim sohasidagi fundamental va (yoki) ilmiy-amaliy tadqiqotlar, ekspert, prognozlash, axborot-tahliliy va ilmiy-uslubiy vazifalarni bajaradi. Professional-texnik, o‘rta maxsus ta’lim sohasidagi professional, o‘rta maxsus ta’lim hamda o‘quv-uslubiy birlashmalarning ilmiy metodik ta’minotini amalga oshiruvchi tashkilotlar faoliyatini muvofiqlashtiradi. Rahbar xodimlar va mutaxassislarni qayta tayyorlaydi hamda malakasini oshiradi. Oliy va o‘rta maxsus ma’lumotga ega bo‘lgan, oliy malakali ilmiy xodimlarni, o‘rta maxsus ma’lumotga ega bo‘lgan mutaxassislarni, o‘rta maxsus va kasb-hunar ta’limi bilan ishlaydigan xodimlarni tayyorlaydi.
5	GIZ – Germaniyaning xalqaro hamkorlik jamiyati	Iqtisodiy rivojlanish va bandlikni rag‘batlantirish, energiya va atrof-muhit, tinchlik va xavfsizlik kabi turli sohalarda 50 yildan ortiq tajriba ega. Biznes, fuqarolik jamiyati vakillari va tadqiqot institutlari bilan rivojlanish siyosati va boshqa faoliyat sohalari o‘rtasida muvaffaqiyatli o‘zaro aloqalarni kuchaytirish bo‘yicha faoliyat yuritadi.
6	RUDN – Rossiya Xalqlar dо‘stligi universiteti	Moskva shahridagi ko‘p tarmoqli universitet. Universiteti Rossiyaning jahon darajasidagi eng yaxshi universitetlaridan biridir. Universitet THE, QS va RUR dunyo reytinglariga kiritilgan.
7	Pearson Education – Britaniyaning ta’lim, nashr va baholash xizmati	Pearson Education – Buyuk Britaniyada joylashgan maktablar, korporatsiyalar va talabalar uchun o‘quv nashrlari va baholash xizmati.
8	DVV – Nemis Xalq Universitetlari assotsiatsiyasi	Kattalar ta’limi va rivojlanish sohasidagi hamkorlik bo‘yicha yetakchi professional tashkilot bo‘lib, DVV International 50 yil davomida hayot davomida ta’limni davom ettirishga sodiq qoldi. DVV International yoshlar va kattalar ta’limi uchun barqaror tuzilmalarni yaratish va rivojlantirishda butun dunyo bo‘ylab qo‘llab-quvvatlaydi.