Yangiliklar

Germaniyaning Deutsche Bahn (DB) Engineering & Consulting GmbH kompaniyasi vakilliari bilan malakali kadrlar tayyorlash va bandligini ta’minlash loyihasi muhokama qilindi.

21 noyabr kuni Oliy ta’lim, fan va innovatsiyalar vazirligi huzuridagi Professional ta’limni rivojlantirish instituti direktori Zayniddin Xudayberdiev bilan Germaniyaning Deutsche Bahn (DB) Engineering & Consulting GmbH kompaniyasining Markaziy Osiyo bo‘yicha menedjeri Innokentiy Belyakov-Zagumennov o‘rtasida uchrashuv bo‘lib o‘tdi.

Uchrashuvda kasbiy ta’lim sohasida amalga oshirilayotgan ishlarni kengaytirish, istiqboldagi rejalar va hamkorlik imkoniyatlari yuzasidan fikr almashildi.

Xususan, muzokaralar davomida Deutsche Bahn (DB) Engineering & Consulting GmbH kompaniyasi delegatsiyasi a’zolari bilan O‘zbekistonda transport sohasida kadrlar tayyorlash va malakasini oshirish bo‘yicha kurslarga kompaniya tomonidan taklif etilgan va Yevropa mamlakatlarida tan olingan o‘quv-dasturiy hujjatlarni joriy etish, kompaniya uchun transport sohasida mehnat migrantlarini birgalikda tanlab olish va tayyorlash, ular uchun nemis tilini o‘rgatish bo‘yicha kurslar tashkil etish va boshqa masalalar bo‘yicha istiqboldagi rejalar va hamkorlik yo‘nalishlari aniqlab olindi.

122