Yangiliklar
O‘zbekiston va Belarussiya Respublikalarining Professional ta'lim institutlari o‘rtasidagi qo‘shma ilmiy pedagogik kengashning birinchi onlayn (ZOOM) uchrashuvi bo‘lib o‘tdi
Joriy yilning 30 may kuni Belarus Respublikasi Ta’lim vazirligining Professional ta’lim respublika instituti va Oliy ta’lim, fan va innovatsiyalar vazirligi huzuridagi Professional ta’limni rivojlantirish instituti orasida qo‘shma ilmiy pedagogik kengashning birinchi onlayn (ZOOM) uchrashuvi bo‘lib o‘tdi.
Ushbu uchrashuvda 29 aprel – 1 may kunlari Minsk shahrida bo‘lib o‘tgan O‘zbekiston – Belarus birinchi professional ta’lim forumi qarorlari, forum davomida vazirliklar va institutlar orasida imzolangan va o‘zaro hamkorlikni rivojlantirishga qaratilgan kelishuvlar va yo‘l xaritalari ijrosini ta’minlash samaradorligini oshirish yo‘llari muhokama etildi.
Xususan, hamkorlikning xar bir yo‘nalishi bo‘yicha ishchi guruh shakllantirildi va mas’ul xodimlar biriktirildi va amalga oshirilgan ishlarni institutlar qo‘shma ilmiy-pedagogik kengashlarida muhokama etib borish bo‘yicha kelishib olindi.
