Yangiliklar
Malaka oshirishning muqobil shakli amalda
Jizzax viloyati G‘allaorol 2-son kasb-hunar maktabining Yoshlar ishlari bo‘yicha direktor o‘rinbosari Jonibek Usarov raqamli portfolosidagi kasbiy faoliyati natijalariga ko‘ra muqobil malaka oshirish shakliga loyiq deb topildi.
J.Usarov 2024-yil 23-yanvar kuni Direktorning yoshlar bilan ishlash bo‘yicha o‘rinbosarlari guruhida “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari” mavzusidagi mahorat darsini o‘tib berdi.
Ma’lumot uchun, muqobil malaka oshirish bu individual kasbiy mahorat kо‘nikmalarini tasdiqlashning amaldagi bevosita malaka oshirish shakllariga tenglashtirilgan shakli hisoblanib, sо‘nggi uch yilda bajarilgan ishlar hisobidan quyidagicha amalga oshiriladi:
- muallif sifatida darslik yoki о‘quv qо‘llanma tayyorlash va nashrdan chiqarish;
- xalqaro yoki respublika miqyosida о‘tkaziladigan kо‘rgazma va tanlovlarda о‘zi yoki rahbarligidagi о‘quvchilarining sovrinli о‘rinlarni egallashi;
- xorijiy mamlakatlarda malaka oshirish, stajirovka о‘tash (davomiyligi kamida 20 kun);
- doktorlik (PhD, DSc) dissertatsiyasini himoya qilish yoki ilmiy rahbarligida kamida bitta DSc yoki PhD darajasini olish uchun dissertatsiya himoya qilinganligi;
- patent guvohnomasiga ega bо‘lish.
