Koreya texnik universiteti (Tech University of Korea) bilan hamkorlik
Joriy yilning 16-20-oktabr kunlari Oliy taʼlim, fan va innovatsiyalar vazirligi tomonidan oʻtkazilayotgan “Kreativ taʼlim va innovatsiya – Yangi Oʻzbekiston taraqqiyotining asosi” shiori ostida “InnoWeyek-2023” innovatsion gʻoyalar haftaligi bo‘lib o‘tmoqda.
Haftalik doirasida 17-oktabr kuni Koreya texnik universiteti (Tech University of Korea) Axborot-kommunikatsiya texnologiyalari konvergensiyasi tadqiqot markazi (ICT Intelligence Convergence Research Center (IICRC) Tech University of Korea, Republic of Korea) direktori janob You Suk Bae institutga tashrif buyurdi.
Tashrif davomida Koreya texnik universiteti Axborot-kommunikatsiya texnologiyalari konvergensiyasi tadqiqot markazi va Professional ta’limni rivojlantirish instituti bilan hamkorlikda professional ta’limni rivojlantirish bo‘yicha amalga oshiriladigan innovatsion loyihalar hamda joriy yilning 19-may kuni imzolangan hamkorlik memorandumi bo‘yicha bajariladigan ishlar muhokama qilindi.
