Institutning Maqsadi, Asosiy Faoliyat Yo'nalishlari va Vazifalari
Institutning maqsadi – boshlang‘ich, о‘rta va о‘rta maxsus profsssional ta’lim
tizimini rivojlantirish, rahbar va pedagog kadrlarini qayta tayyorlash va
ularning malakasini oshirish.
Institut belgilangan maqsadlarga erishish bо‘yicha quyidagi yо‘nalishlarda о‘z
faoliyatini amalga oshiradi:
professional ta’lim dasturlari mazmuni va tuzilmasini doimiy ravishda
takomillashtirib borish;
о‘quv-meyoriy hujjatlarni yaratish bо‘yicha tavsiya va yо‘riqnomalarni ishlab
chiqish;
professional ta’limga pedagogik innovatsion texnologiyalarning ilg‘or shakl va
metodlarini joriy etish, о‘quv dasturlari, fan va texnologiyalarning innovatsion
yutuqlari asosida о‘quv jarayonini tashkil etish;
tizim rahbar va pedagog kadrlarini qayta tayyorlash va ularning malakasini
oshirishni tashkil etish;
Pedagogik innovatsiyalar, professional ta’lim tizimini rivojlantirish yо‘nalishi
bо‘yicha Institutning asosiy vazifalari:
О‘zbekiston Respublikasi professional ta’lim tizimi uchun “hayot davomida ta’lim
olish” prinsipiga asoslangan ilg‘or xorij tajribasi hamda iqtisodiyotning real
sektorlaridagi о‘zgarishlarni hisobga olgan holda
professional ta’lim dasturlari, namunaviy о‘quv rejalari va ta’lim dasturlarini
ishlab chiqishni tashkil etish;
Professional ta’lim muassasalari uchun yaratilgan о‘quv va о‘quv-metodik
adabiyotlarini nashr etilishi hamda yetkazilishini tashkil etish;
Professional ta’lim muassasalarini о‘quv mashg‘uloti jurnallari, о‘quvchilar
guvohnomalari, davlat namunasidagi diplom va diplom ilovalari hamda sertifikat
va akademik ma’lumotnoma blankalari bilan ta’minlash:
Xorijiy davlatlarning ta’lim vazirliklari, О‘zbekiston Respublikasi vazirlik va
idoralari hamda jismoniy va yuridik shaxslarning professional ta’lim
muassasalarini bitirganlik haqidagi diplomlarini haqiqiyligini
tasdiqlash tо‘g‘risidagi surovnomalariga ma’lumotlar berish;
innovatsion pedagogik va axborot texnologiyalarini ishlab chiqishni tashkil
etish, о‘qitishning zamonaviy shakllari va usullarini о‘quv jarayoniga joriy
etishda metodik yordam kо‘rsatish;
professional ta’limni rivojlantirish va muvofiqlashtirish hududiy boshqarmalari
bilan birgalikda professional ta’lim muassasalarida ta’lim sifatini oshirish
bо‘yicha tizimli ishlarni amalga oshirish;
Qoraqalpog‘iston Respublikasi, viloyatlar va Toshkent shahar kasbiy ta’limni
rivojlantirish va muvofiqlashtirish hududiy boshqarmalarining metodik
kо‘maklashish bо‘yicha maslahatchi-metodistlar xizmati ishlarini
muvofiqlashtirish va ylapga metodik rahbarlik qilish;
masofaviy ta’limni keng joriy etish va uning metodik ta’minotini ishlab chiqish;
professional ta’lim sohasida interaktiv xizmatlar kо‘lamini kengaytirish,
elektron ta’lim va ta’lim jarayonini boshqarishning elektron tizimini joriy
etish ishlarini tashkil qilish;
idoraviy bо‘ysinuvidan qat’iy nazar professional ta’lim muassasalarining rahbar,
о‘qituvchi va ishlab chiqarish ta’limi ustalarini qayta tayyorlash va malaka
oshirishlarini tashkil qilish;
professional ta’lim muassasalari kadrlarini qayta tayyorlash va malakasini
oshirish jarayonini innovatsion yondashuv asosida tashkil etish;
idoraviy bо‘ysunuvidan qat’iy nazar professional ta’lim tizimi muassasalari
rahbar va pedagog kadrlarining malakasini oshirish kurslarini ularning
boshqaruv, kasbiy va pedagogik kompetensiyalar diagnostikasi
asosida tashkil etish va monitoringini olib borish;
rahbar va pedagog kadrlarni qayta tayyorlash va malakasini oshirishning
tabaqalashtirilgan namunaviy о‘quv reja va dasturlarini ishlab chiqish,
о‘rnatilgan tartibda tasdiqlash va joriy etish;
rahbar va pedagog kadrlarning, xususan, ishlab chiqarish ta’limi ustalarining
malaka oshirishlarini tashkil qilishda ta’limning ishlab chiqarish bilan о‘zaro
samarali hamkorligini ta’minlash;
professional ta’lim tizimi muammolari bо‘yicha ilmiy-tadqiqotlar о‘tkazish;
nodavlat ta’lim muassasalari, shuningdek О‘zbekistonda faoliyat yuritayotgan
xalqaro tashkilotlar va xorijiy ta’lim muassasalari bilan hamkorlikni
rivojlantirish;
qayta tayyorlash va malaka oshirish davrida tinglovchilarning siyosiy, ma’naviy,
madaniy va ma’rifiy dunyoqarashlarini rivojlantiruvchi darsdan tashqari
tadbirlar tashkil qilish.
