Web sayt test rejimida ishlamoqda!!!





Ilmiy kengash

E-kutubxona

Rahbar qabuliga yozilish

Masofaviy ta'lim

Ustav

Ustav

O‘zbekiston  Respublikasi Oliy va o‘rta

maxsus ta’lim vazirining

2020 yil “_____” ___________dagi

_________-sonli buyrug‘iga 1- ilova

 

O‘zbekiston Respublikasi
Oliy va o‘rta maxsus ta’lim vazirligi

Pedagogik innovatsiyalar, kasb-hunar ta’limi
boshqaruv hamda pedagog kadrlarni
qayta tayyorlash va ularning malakasini
oshirish institutining
Ustavi

Toshkent - 2020 yil

 

  1. UMUMIY QOIDALAR
  2. Pedagogik innovatsiyalar, kasb-hunar ta’limi boshqaruv hamda pedagog kadrlarni qayta tayyorlash va ularning malakasini oshirish instituta (keyingi o‘rinlarda - Institut deb yuritiladi) O‘zbekiston Respublikasi Prezidentining 2019 yil 11 iyuldagi “Oliy va o‘rta maxsus ta’lim sohasida boshqaruvni isloh qilish chora-tadbirlari to‘g‘risida”gi PF-5763-son farmoni va 2019 yil 11 iyuldagi “Oliy va o‘rta maxsus ta’lim tizimiga boshqaruvning yangi tamoyillarini joriy etish chora-tadbirlari to‘g‘risida”gi PQ-4391-son qarori hamda 2019 yil 6 sentabrdagi “ Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida”gi PF-5812-son farmoniga muvofiq tashkil etilgan bo‘lib, O‘zbekiston Respublikasi Oliy va o‘rta maxsus ta’limi vazirligi huzuridagi muassasa hisoblanadi.
  3. Institutning Ustavi uning maqomi, asosiy vazifalari, faoliyat yo‘nalishlari, huquqlari va javobgarligi, shuningdek faoliyatini tashkil etish tartibini belgilaydi.
  4. Institut O‘zbekiston Respublikasi Oliy va o‘rta maxsus ta’limi vazirligi huzuridagi yuridik shaxs maqomiga ega bo‘lgan mustaqil bo‘linmasi hisoblanadi va Oliy va o‘rta maxsus ta’limi vazirligiga bo‘ysunadi va hisobot beradi.
  5. Institut Professional ta’lim tizimida pedagogik innovatsiyalarni rivojlantirish, professional ta’lim boshqaruvi hamda pedagog kadrlarni qayta tayyorlash va ularning malakasini oshirishni amalga oshiruvchi davlat ta’lim muassasasidir.

5.Institut o‘z faoliyatida O‘zbekiston Respublikasining Konstitutsiyasi va qonunlariga, O‘zbekiston Respublikasi Oliy Majlisi qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, Oliy va o‘rta maxsus ta’limi vazirligining me’yoriy hujjatlariga, ushbu Ustavga, shuningdek boshqa qonun hujjatlariga amal qiladi.

  1. Institut o‘z faoliyatini tasarrufida kasb-hunar maktablari, kollejlar va texnikumlar (bundan keyin matnda - professional ta’lim muassasalari) bo‘lgan vazirliklar, idoralar, xo‘jalik birlashmalari, tijorat banklari, yirik korxonalar, ularning ta’lim tashkiloti va muassasalari, hududiy va mahalliy davlat hokimiyati organlari, ommaviy axborot vositalari, turli korxona va tashkilotlar, jamoat, xorijiy va xalqaro hamda boshqa tashkilotlar bilan hamkorlikda amalga oshiradi.
  2. Institut yuridik shaxs hisoblanadi, alohida mol-mulkka, O‘zbekiston Respublikasining Davlat gerbi tasviri va o‘z nomi tushirilgan muhr, shtamplari va blankalariga, o‘z ramzi, mustaqil balansiga, O‘zbekiston Respublikasi Moliya vazirligining G‘aznachiligida hisob raqamlariga, bank, shu jumladan, chet el valyutasidagi hisob raqamlariga ega bo‘ladi.
  3. Institutning moddiy-texnika ta’minoti va xodimlar mehnatiga haq to‘lash davlat budjetidan ajratiladigan mablag‘lar doirasida va qonunlar bilan ta’qiqlanmagan boshqa manbalar hisobidan amalga oshiriladi.
  4. Institutning rasmiy nomi:
  5. a) davlat tilida to‘lik nomi - Pedagogik innovatsiyalar, kasb-hunar ta’limi boshqaruv hamda pedagog kadrlarni qayta tayyorlash va ularning malakasini oshirish instituti, qisqartmasi - Pedagogik innovatsiyalar instituti
  6. b) rus tilida to‘lik nomi - Institut pedagogicheskix innovatsiy, perepodgotovki i povыsheniya kvalifikatsii rukovodyaщix i pedagogicheskix kadrov professionalnogo obrazovaniya, qisqartmasi - Institut pedagogicheskix innovatsiy;
  7. v)ingliz tilida to‘lik nomi - Institute of pedagogical innovations, retraining and advanced training of leading and pedagogical personnel of vocational education.
  8. Institutning yuridik manzili: 100095. Toshkent shahar Olmazor tumani Ziyo ko‘chasi 76-uy.
  9. INSTITUTNING MAQSADI, ASOSIY FAOLIYaT YO‘NALIShLARI VA VAZIFALARI
  10. Institutning maqsadi - boshlang‘ich, o‘rta va o‘rta maxsus professional ta’lim (bundan keyin matnda - professional ta’lim)ni rivojlantirish, tizimi rahbar va pedagog kadrlarini qayta tayyorlash va ularning malakasini oshirish. Mazkur maqsadda o‘quv-me’yoriy, metodik ta’minotni ishlab chiqishni tashkil qilish, takomillashtirish va joriy etish, professional ta’lim jarayoniga innovatsion ta’lim texnologiyalarini tatbiq etilishini, professional ta’lim muassasalar uchun yaratilgan o‘quv, o‘quv-metodik adabiyotlar, o‘quv mashg‘uloti jurnallari, o‘quvchilar guvohnomalari, davlat namunasidagi diplom va diplom ilovalari hamda sertifikat va akademik ma’lumotnoma blankalarini nashr qilinishini tashkil etish va tarqatish, ta’lim jarayoniga innovatsion ta’lim texnologiyalarini tatbiq etishdan iborat.
  11. Institut belgilangan maqsadlarga erishish bo‘yicha quyidagi yo‘nalishlarda o‘z faoliyatini amalga oshiradi:

professional ta’lim dasturlari mazmuni va tuzilmasini doimiy ravishda takomillashtirib borish;

o‘quv-me’yoriy hujjatlarni yaratish bo‘yicha Yo‘riqnomalar va tavsiyalar ishlab chiqish;

professional ta’limga pedagogik innovatsion texnologiyalarning ilgor shakl va metodlarini joriy etish, fan va texnologiyalarning innovatsion yutuqlari asosida o‘quv jarayonini tashkil etish;

tizim rahbar va pedagog kadrlarini qayta tayyorlash va ularning malakasini oshirishni tashkil etish;

professional ta’lim muassasalari uchun yaratilgan o‘quv va o‘quv-metodik adabiyotlarini nashr etilishi hamda yetkazilishini tashkil etish;

professional ta’lim muassasalarini o‘quv mashg‘uloti jurnallari, o‘quvchilar guvohnomalari, davlat namunasidagi diplom va diplom ilovalari hamda sertifikat va akademik ma’lumotnoma blankalari bilan ta’minlash;

Xorijiy davlatlarning ta’lim vazirliklari, O‘zbekiston Respublikasi vazirlik va idoralari hamda jismoniy va yuridik shaxslarning professional ta’lim muassasalarini bitirganlik haqidagi diplomlarini haqiqiyligini tasdiqlash to‘g‘risidagi so‘rovnomalariga ma’lumotlar berish.

  1. Pedagogik innovatsiyalar, professional ta’lim tizimini rivojlantirish yo‘nalishi bo‘yicha Institutning asosiy vazifalari:

O‘zbekiston Respublikasi professional ta’lim tizimi uchun “Hayot davomida ta’lim olish” prinsipiga asoslangan ilg‘or xorij tajribasi hamda iqtisodiyotning real sektorlaridagi o‘zgarishlarni hisobga olgan holda professional ta’lim dasturlari, namunaviy o‘quv rejalari va ta’lim dasturlarini ishlab chiqishni tashkil etish;

Professional ta’lim muassasalari uchun yaratilgan o‘quv va o‘quv- metodik adabiyotlarini nashr etilishi hamda yetkazilishini tashkil etish;

Professional ta’lim muassasalarini o‘quv mashg‘uloti jurnallari, o‘quvchilar guvohnomalari, davlat namunasidagi diplom va diplom ilovalari hamda sertifikat va akademik ma’lumotnoma blankalari bilan ta’minlash;

Xorijiy davlatlarning ta’lim vazirliklari, O‘zbekiston Respublikasi vazirlik va idoralari hamda jismoniy va yuridik shaxslarning professional ta’lim muassasalarini bitirganlik haqidagi diplomlarini haqiqiyligini tasdiqlash to‘g‘risidagi so‘rovnomalariga ma’lumotlar berish;

innovatsion pedagogik va axborot texnologiyalarini ishlab chiqishni tashkil etish, o‘qitishning zamonaviy shakllari va usullarini o‘quv jarayoniga joriy etishda metodik yordam ko‘rsatish;

professional ta’limni rivojlantirish va muvofiqlashtirish hududiy boshqarmalari bilan birgalikda professional ta’lim muassasalarida ta’lim sifatini oshirish bo‘yicha tizimli ishlarni amalga oshirish;

Qoraqalpog‘iston Respublikasi, viloyatlar va Toshkent shahar kasbiy ta’limni rivojlantirish va muvofiqlashtirish hududiy boshqarmalarining metodik ko‘maklashish bo‘yicha maslahatchi-metodistlar xizmati ishlarini muvofiqlashtirish va ularga metodik rahbarlik qilish;

masofaviy ta’limni keng joriy etish va uning metodik ta’minotini ishlab chiqish;

professional ta’lim sohasida interaktiv xizmatlar ko‘lamini kengaytirish, elektron ta’lim va ta’lim jarayonini boshqarishning elektron tizimini joriy etish ishlarini tashkil qilish;

idoraviy bo‘ysinuvidan qat’iy nazar professional ta’lim muassasalarining rahbar, o‘qituvchi va ishlab chiqarish ta’limi ustalarini qayta tayyorlash va malaka oshirishlarini tashkil qilish;

  1. Rahbar va pedagog kadrlarni qayta tayyorlash va ularning malakasini oshirish yo‘nalishi bo‘yicha:

professional ta’lim muassasalari kadrlarini qayta tayyorlash va malakasini oshirish jarayonini innovatsion yondashuv asosida tashkil etish;

idoraviy buysunuvidan qat’iy nazar professional ta’lim tizimi muassasalari rahbar va pedagog kadrlarining malakasini oshirish kurslarini ularning boshqaruv, kasbiy va pedagogik kompetensiyalar diagnostikasi asosida tashkil etish va monitoringini olib borish;

rahbar va pedagog kadrlarni qayta tayyorlash va malakasini oshirishning tabaqalashtirilgan namunaviy o‘quv reja va dasturlarini ishlab chikish, o‘rnatilgan tartibda tasdiqlash va joriy etish;

rahbar va pedagog kadrlarning, hususan, ishlab chiqarish ta’limi ustalarining malaka oshirishlarini tashkil qilishda ta’limning ishlab chiqarish bilan o‘zaro samarali hamkorligini ta’minlash;

professional ta’lim tizimi muammolari bo‘yicha ilmiy-tadqiqotlar o‘tkazish;

nodavlat ta’lim muassasalari, shuningdek O‘zbekistonda faoliyat yuritayotgan xalqaro tashkilotlar va xorijiy ta’lim muassasalari bilan hamkorlikni rivojlantirish;

qayta tayyorlash va malaka oshirish davrida tinglovchilarning siyosiy, ma’naviy, madaniy va ma’rifiy dunyoqarashlarini rivojlantiruvchi darsdan tashqari tadbirlar tashkil qilish.

  • INSTITUTNING ASOSIY FUNKSIYaLARI

Institut belgilangan vazifalarni amalga oshirish uchun quyidagi funksiyalarni amalga oshiradi:

15.1. Institut belgilangan vazifalarni amalga oshirish uchun pedagogik innovatsiyalar yo‘nalishi bo‘yicha quyidagi funksiyalarni amalga oshiradi: professional ta’limning ta’lim dasturlari, namunaviy o‘quv rejalar, namunaviy o‘quv dasturlari hamda metodik ta’minotini yaratish ishlarini tashkil etish;

professional ta’lim dasturlari, metodik materiallarni muhokama qilish va nashrga tavsiya etish uchun fan va yo‘nalishlar bo‘yicha o‘quv-metodik birlashmalar faoliyatini tashkil etish;

innovatsion pedagogik texnologiyalarga asoslangan didaktik materiallarning yangi avlodini yaratish va joriy etishga tavsiyalar ishlab chiqish;

professional ta’lim muassasalariga o‘quv jarayonini takomillashtirish, ilgor va innovatsion pedagogik hamda axborot texnologiyalarini ta’lim jarayoniga tatbiq etish, ta’lim va tarbiya sifati hamda uning samaradorligini oshirish borasida metodik yordam berish;

professional ta’lim standartlarini bajarilishi va o‘quv dasturlarini o‘zlashtirish sifat ko‘rsatkichlarini aniqlash, tahlil qilish va o‘quvchilarning ta’lim tayyorgarligi darajasida bo‘shliqlarni to‘ldirish yuzasidan professional ta’lim muassasalariga metodik yordam ko‘rsatish;

professional ta’lim tizimi xodimlari uchun ta’lim sifatini oshirishga qaratilgan metodik tavsiyalar yaratish va seminar-treninglarni tashkil qilish;

ta’lim sifatini oshirish bo‘yicha ishlab chiqilgan innovatsion loyihalarni eksperimental maydonlarda sinovlardan o‘tkazish ishlarini tashkil etish va sinovlar natijasi bo‘yicha tegishli taklif va tavsiyalar tayyorlash;

iqtidorli yoshlarning an’anaviy festivallari, kasbiy mahorat, ixtirolar va o‘quvchilarning ijodiy ishlari ko‘rik-tanlovlari hamda kasblar bo‘yicha musobaqalarini o‘tkazish uchun tashkiliy va metodik ishlarni amalga oshirish;

professional ta’lim va kasbga o‘rgatish jarayonida psixologik- pedagogik xizmatlarni tashkil etish va ularning uslubiy asoslarini yaratish;

professional ta’limni rivojlantirish va takomillashtirish yo‘nalishlari bo‘yicha ilmiy tadqiqotlar rahbarlik qilish, olib borilayotgan dissertatsiyalarga tegishli hulosalar berish, natijalarini amaliyotga tadbiq etilishiga ko‘maklashish;

15.2. Professional ta’lim boshqaruv va pedagog kadrlarni qayta tayyorlash va ularni malakasini oshirish yo‘nalishi bo‘yicha quyidagi funksiyalarni amalga oshiradi:

rahbar, zahira va pedagog kadrlarni qayta tayyorlash va ularning malakasini oshirishning davlat talablarini ishlab chiqish;

idoraviy bo‘ysunuvidan qat’iy nazar professional ta’lim muassasalarining rahbar, o‘qituvchi va ishlab chiqarish ta’limi ustalarini qayta tayyorlash va malaka oshirishlarining o‘quv me’yoriy asoslarini tashkil qilish;

ta’lim jarayonini tashkil qilishga oid me’yoriy, huquqiy va uslubiy hujjatlarni ishlab chiqish va joriy etish;

rahbar va pedagog kadrlarning malaka oshirish va qayta ularning tayyorlash bazasini yaratish va elektron monitoringini yuritish;

kasbiy o‘sish va mustaqil malaka oshirish bo‘yicha amalga oshirilgan ishlar bilan uyg‘unlashtirilgan holda diagnostika natijalari va kadrlarning malaka oshirishga bo‘lgan ehtiyojini inobatga olgan holda tabaqalashtirilgan mobil o‘quv reja va dasturlarni ishlab chiqish;

malaka oshirish va qayta tayyorlash kurslarining barcha shakllari bo‘yicha ishchi o‘quv reja va dasturlarni o‘rnatilgan tartibda tasdiqlash;

katta yoshdagilar ta’limining me’yoriy-huquqiy, ilmiy-uslubiy asoslarini ishlab chiqish, androgogika tamoyillarini malaka oshirish va qayta tayyorlash o‘quv jarayoniga joriy etish;

kasb sohasi va mutaxassislik bo‘yicha malaka oshirishning uslubiy- me’yoriy va o‘quv-metodik ta’minotini ishlab chiqish maqsadida tasarrufida professional ta’lim muassasalari bo‘lgan vazirlik, idoralar va tashkilotlar mutaxassislari jalb etilgan ijodiy ishchi guruxlarni tashkil etish;

kasb sohasi va mutaxassislik bo‘yicha malakasini oshirish o‘quv jarayoniga vazirlik, idoralar va tashkilotlarning malakali mutaxassislarini jalb etish;

rahbar va pedagog xodimlarini malakasini oshirish va qayta tayyorlash bo‘yicha ish beruvchi korxona va tashkilotlar bilan hamkorlikni yo‘lga qo‘yish;

vazirlik, idoralar va tashkilotlar huzuridagi ta’lim muassasalari bilan birgalikda o‘quv-me’yoriy, tashkiliy-uslubiy va metodik hujjatlarni ishlab chiqishni tashkil qilish;

ta’lim jarayoni va sifatini nazorat qilish hamda tegishli vazirlik, idoralar va tashkilotlarga ma’lumotlar kiritish;

professional ta’lim tizimini rivojlantirish muammolari bo‘yicha ilmiy-tadqiqot ishlarini muvofiqlashtirish, o‘quv jarayonida ilmiy ishlanmalarning natijalarini joriy etish;

institut ilmiy ishlari samaradorligini oshirish, professional ta’lim sohasidagi innovatsion yangiliklar bazasini yaratish, fan va texnika yutuqlarini ishlab chiqarishga va amaliyotga tadbiqqilish maqsadida ommalashtirish;

professional ta’limni rivojlantirish soxasidagi ilmiy tadqiqotlar natijalarini, innovatsion texnologiyalarni, horijiy tajribalarni ta’lim muassasalariga joriy etishda uslubiy ko‘maklashish;

faoliyat yo‘nalishlarida dolzarb masalalar bo‘yicha respublika miqyosida ilmiy-amaliy konferensiyalar, seminarlar va boshqa tadbirlarni tashkil etish;

pedagogika fanlari bo‘yicha fan doktori (DSc) va falsafa doktori (PhD) ilmiy darajalarini berish bo‘yicha ilmiy kengash faoliyatini yanada jadallashtirish va boshqarish, professional ta’lim tizimi uchun ilmiy (magistrlar, fan doktorlari) va ilmiy-pedagogik kadrlar tayyorlash;

professional ta’lim tizimiga oid “Kasb-hunar ta’limi” jurnali faoliyatini maqsadli yo‘naltirish, yangi ilmiy-amaliy nashrlarni tashkil qilish;

institutda doktorantura va mustaqil izlanuvchilarga oid maxsus ilmiy markaz faoliyatini joriy etish va uning maqsadli faoliyatini ta’minlash.

xorijiy va mamlakatdagi yetakchi malaka oshirish ta’lim muassasalarining ilg‘or tajribalarini o‘rganish va amaliyotga joriy etish ishlarini tashkil etish;

institut xodimlarini xorijiy stajirovkalarga yuborishni tashkil etish;

tinglovchilar bo‘sh vaqtlarini mazmunli o‘tkazish maqsadida ma’naviy- ma’rifiy tadbirlar, sport musobaqalari o‘tkazish, taniqli olimlar, adiblar va siyosatshunoslar bilan uchrashuvlar tashkil etish, ziyoratgohlarga, muzeylariga, kutubxona va teatrlariga tashriflarni amalga oshirish;

professional ta’lim tizimida amalga oshirilayotgan islohotlarni keng yoritish va ommaviy axborot vositalari bilan hamkorlik qilish bo‘yicha Axborot xizmati faoliyatini yo‘lga qo‘yish.

 

  1. INSTITUTNING HUQUQ VA MAJBURIYaTLARI
  2. Institut o‘z vazifalari va funksiyalarini amalga oshirish uchun quyidagi huquqlarga ega:

tegishli vazirlik, idoralar va boshqa tashkilotlardan ilmiy, uslubiy, me’yoriy va tadqiqot ishlariga oid ma’lumotlar hamda zarur materiallarni olish uchun murojaatlar qilish;

o‘quv-uslubiy, ilmiy-amaliy ishlarni amalga oshirish, tajriba almashish va madaniy aloqalarni rivojlantirish bo‘yicha vazirliklar, idoralar, xo‘jalik birlashmalari, tijorat banklari va yirik korxonalar, tashkilot va xorijiy davlatlar muassasalari bilan o‘zaro manfaatli shartnomalar tuzish;

professional ta’lim muassasalarida ta’lim dasturlari, kayta tayyorlash va malaka oshirishning Davlat talablari bajarilishini o‘rganish hamda tegishli uslubiy tavsiyalar berish;

darsliklar, o‘quv qo‘llanmalarni nashr etishni tashkil etish hamda professional ta’lim dasturlari, o‘quv dasturlari, ilmiy maqolalar to‘plamlari, o‘quv, o‘quv-metodik, didaktik, ilmiy va axborot-tahliliy mahsulotlarni ishlab chiqish;

professional ta’lim muassasalarini o‘quv mashg‘uloti jurnallari, o‘quvchilar guvohnomalari, davlat namunasidagi diplom va diplom ilovalari hamda sertifikat va akademik ma’lumotnoma blankalari bilan ta’minlash;

noshirlik faoliyatini belgilangan tartibda amalga oshirish, professional ta’lim tizimining dolzarb muammolari bo‘yicha davriy, ilmiy-nazariy, amaliy va elektron nashrlar chiqarish;

professional ta’lim muassasalariga ilmiy-metodik va tahririyat- nashriyot xizmatlarini ko‘rsatish;

institutda tayyorlangan nashr-bosma va elektron mahsulotlarni shartnoma asosida kelishilgan shartlarda tarqatish va ommalashtirish;

professional ta’limni rivojlantirish muammolari va alohida yo‘nalishlari bo‘yicha tajriba-sinov maydonchalari, tayanch o‘quv muassasalarni tashkil etish;

qayta tayyorlash va malaka oshirish jarayoni amaliy mashgulotlarini samarali o‘tkazish maqsadida zamonaviy jihozlangan professional ta’lim muassasalari va ishlab chiqarish korxonalarida amaliyot bazalarini tashkil etish;

qayta tayyorlash va malaka oshirishning turli shakllarini tashkil etish va uning o‘quv-me’yoriy xujjatlarini tasdiqlash;

malakali olimlarni, tajribali amaliyotchi xodimlar va xorijdan mutaxassislarni shartnoma asosida jalb qilish;

institutning maxsus jurnali va rasmiy veb-saytida professional ta’lim muassasalari faoliyatiga oid ma’lumotlar hamda reklama materiallarini joylashtirish;

xo‘jalik hisobi asosida ish yuritadigan ilmiy-ishlab chiqarish va o‘quv, nashr majmualarini yaratish, kichik va qo‘shma korxonalar tashkil etish;

mehnatni tashkil etishning har xil shakllaridan foydalanilgan holda muvaqqat ijodiy jamoalarni tashkil etish, mualliflar bilan o‘rnatilgan tartibda pudrat hamda alohida fuqarolar bilan tuzilgan shartnoma asosida doimiy yoki bir martalik ishlarni bajarish;

ta’lim muassasalarining pedagog-xodimlari, o‘quvchilari, ularning ota- onalari, boshqa fuqarolar hamda respublikamizdagi ro‘yxatdan o‘tgan davlat va xo‘jalik tashkilotlariga qonun doirasida pullik ta’lim xizmatlarini ko‘rsatish, shu jumladan to‘lov-shartnoma asosida qisqa muddatli o‘quv kurslarini tashkil etish;

Xo‘jalik hisobidagi bo‘lim va markazlar faoliyatini yo‘lga qo‘yish, budjetdan tashqari ishlab topilgan mablag‘lar hisobiga yangi shtat birliklarini belgilash;

o‘z faoliyatini rivojlantirish uchun modernizatsiya va innovatsion texnologiyalar, ijtimoiy rivojlantirish, moddiy rag‘batlantirish valyuta ajratmalari jamg‘armalarini tashkil qilish;

xalqaro konferensiya, simpozium, seminar va anjumanlarni tashkil qilish hamda ularda ishtirok etish;

institut O‘zbekiston Respublikasi qonun hujjatlariga muvofiq boshqa huquqlarga ham ega bo‘lishi mumkin.

  1. INSTITUTNING TUZILMASI VA UNI BOShQARISh
  2. Institutning tuzilmasini quyidagi asosiy boshqarma va bo‘limlar tashkil etadi:

17.1.  Malaka oshirish va qayta tayyorlash yo‘nalishi bo‘yicha:

“Malaka oshirish va qayta tayyorlash kurslarining o‘quv dasturlari va normativ - metodik hujjatlarini ishlab chiqish boshqarmasi” va uning tarkibida:

“Rahbar va pedagog kadrlarning kasbiy salohiyati va pedagogik mahoratini baholash bo‘limi ”;

“Fan, ta’lim, ishlab chiqarish integratsiyasi, ilmiy ishlanmalar va texnologiyalar transferi bo‘limi”

“ Masofaviy malaka oshirish va qayta tayyorlash bo‘limi ”;

“ Professional ta’lim tizimi boshqaruv xodimlari malakasini oshirish, zahirasini maqsadli o‘qitish fakulteti ” va uning kafedrasi;

“Maxsus fan o‘qituvchilari va ishlab chiqarish ta’limi ustalarining malakasini oshirish va qayta tayyorlash fakulteti ” va uning kafedrasi;

“Umumta’lim fanlari o‘qituvchilarining malakasini oshirish va pedagogik qayta tayyorlash fakulteti ” va uning kafedrasi.

17.1. Pedagogik innovatsiyalar yo‘nalishi bo‘yicha:

“ Ta’lim standartlarini ishlab chiqish va joriy etish bo‘limi ” ;

“ O‘quv reja va o‘quv dasturlarini ishlab chiqish va joriy etish bo‘limi ”;

        “O‘quv-metodik ta’minlash boshqarmasi” va uning tarkibida:

“ Umumkasbiy va maxsus fanlarni metodik ta’minlash bo‘limi ”;

“ O‘quv va ishlab chiqarish amaliyotini metodik ta’minlash bo‘limi ”;  

“Multimedia va elektron ta’lim resurslarini yaratish boshqarmasi ” va uning tarkibida:

“Innovatsion ta’lim va xalqaro hamkorlik bo‘limi”;

“ Professional ta’limni raqamlashtirish laboratoriyasi ”.

17.3. Moliyaviy va iqtisodiy masalalar yo‘nalishi  bo‘yicha :

“Buxgalteriya va moliya-iqtisod bo‘limi”;

“Devonxona va arxiv”;

“ O‘quv adabiyotlari va me’yoriy xujjatlarni nashr etish bo‘limi ”;

“Foydalanish - xo‘jalik bo‘limi”.

17.4. “Kadrlar bo‘limi” hamda “Yuriskonsult” faoliyati institut direktori tomonidan muvofiqlashtirilib boriladi.

  1. Institutga O‘zbekiston Respublikasi Oliy va o‘rta maxsus ta’lim vaziri tomonidan tayinlanadigan direktor umumiy rahbarlik qiladi va

boshqaradi.

  1. Institut direktori:

Barcha davlat hokimiyati va boshqaruv organlarida muassasa va tashkilotlarda Institut nomidan ish yuritadi;

Institut Ilmiy-pedagogik kengash tarkibi, bo‘linmalari nizomlari va yo‘riqnomalarini tasdiqlaydi;

Institut bo‘linmalari rahbarlarini, fakultet dekanlarini va kafedra mudirlarini tayinlaydi;

Vazirlik bilan kelishilgan holda kafedralarni, o‘quv, o‘quv-metodik, ilmiy-tadqiqot, O‘quv adabiyotlari va me’yoriy hujjatlarni nashr etish va boshqa bo‘lim va bo‘linmalarni, shu jumladan xo‘jalik hisobidagi bo‘lim va markazlarni tashkil etish, qayta tuzish va tugatish haqida qarorlar, buyruqlar qabul qiladi;

Institutning moliyaviy-xo‘jalik faoliyati bilan bog‘liq masalalarni hal qiladi;

Institutning mulki va mablag‘laridan o‘rnatilgan tartibga asosan foydalanishni ta’minlaydi;

Institut xodimlari va tinglovchilari tomonidan bajarilishi shart bo‘lgan buyruqlar, yo‘riqnomalar va ko‘rsatmalar qabul qiladi;

Institut xodimlari bilan amaldagi qonunchilik asosida mehnat shartnomalarini tuzadi va bekor qiladi;

Institut faoliyatini ta’minlash maqsadida shtatlar jadvali va harajatlar smetasini tasdiqlaydi.

  1. Rahbar va pedagog kadrlarni qayta tayyorlash va ularni malakasini oshirish - Malaka oshirish va qayta tayyorlash kurslarini o‘quv dasturlari va normativ - metodik ishlab chiqish boshqarmasi boshlig‘i, Pedagogik innovatsiyalar, professional ta’limni rivojlantirish yo‘nalishlari - O‘quv metodik ta’minlash boshqarmasi boshlig‘i hamda Moliyaviy va iqtisodiy masalalar bo‘yicha institut faoliyatiga direktor o‘rinbosarlari rahbarlikni amalga oshiradi, uning tarkibini tashkil etuvchi bo‘linmalar ishini tashkil qiladi va muvofiqlashtiradi.
  2. Direktor o‘rinbosarlari Oliy va o‘rta maxsus ta’lim vazirligi bilan kelishilgan holda direktor tomonidan tayinlanadi.
  3. Institut qoshida Ilmiy-pedagogik kengash hamda professional ta’lim yo‘nalishlari bo‘yicha O‘quv-metodik birlashmalar tashkil etiladi.
  4. Institut faoliyatiga tegishli asosiy masalalarni ko‘rib chiqish va tasdiqlash direktor tomonidan boshqariladigan Ilmiy-pedagogik kengash qarori bilan amalga oshiriladi.
  5. Institut Ilmiy-pedagogik kengash a’zoligiga direktor o‘rinbosarlari, ilmiy kotib, dekan, kafedra mudirlari va professor- o‘qituvchilari, tarkibiy tuzilmalar rahbarlari bilan birgalikda O‘zbekiston Respublikasi Oliy va o‘rta maxsus ta’lim vazirligi vakillari, shuningdek, ilmiy va oliy ta’lim muassasalarining yetakchi olimlari kiritilishi mumkin.
  6. Institut Ilmiy-pedagogik kengashi:

o‘quv innovatsion, ilmiy-tadqiqot va axborot-tahliliy ishlar, xalqaro aloqalar bo‘yicha masalalarni hal qiladi;

professional ta’limning o‘quv-me’yoriy va metodik hujjatlarini ko‘rib chiqadi va tasdiqlaydi.

malaka oshirish va ularni qayta tayyorlash uchun namunaviy o‘quv reja va dasturlarni ko‘rib chiqadi va tasdiqlashga tavsiya etadi;

turli qisqa muddatli kurslarni tashkil etish bo‘yicha o‘quv reja va dasturlarini ko‘rib chiqadi va tasdiqlaydi;

Institut va bo‘linmalar rahbarlari hisobotlarini tinglaydi va tegishli qarorlar qabul qiladi.

  1. Ilmiy kengash qarorlari Institut direktori buyrug‘i bilan tasdiqlanganidan so‘ng kuchga kiradi.
  2. Institutning Professional ta’lim yo‘nalishlari bo‘yichaO‘Quv- metodik birlashmalari (bundan keyin matnda - O‘quv-metodik birlashmalar deb yuritiladi) jamoatchilik asosida faoliyat yurituvchi uslubiy-maslahat kollegial organ bo‘lib, ularning namunaviy Nizomi Institut direktori tomonidan tasdiqlanadi va har bir O‘quv-metodik birlashma o‘z faoliyatini mazkur xujjatlar asosida amalga oshiradi.
  3. O‘quv-metodik birlashmalarning raislari va har bir birlashmaning shaxsiy tarkibi Institut direktori tomonidan tasdiqlanadi. Ular tarkibiga Institut direktorining yo‘nalishlar bo‘yicha o‘rinbosarlari, boshqarma va bo‘limlari rahbarlari hamda mutaxassislari professional ta’lim muassasalarining pedagog xodimlari, boshqa taalluqli vazirlik, idora, jamoat tashkilotlari, uyushmalar, ilmiy-tadqiqot tashkilotlari vakillari, ularning tashkiliy-huquqiy shaklidan qat’iy nazar o‘quv yurtlari rahbarlari jalb etilishi mumkin.
  4. INSTITUTNING PROFESSOR-O‘QITUVChILARI VA BOShQAXODIMLARI
  5. Institutda professor-o‘qituvchilar, injener-texnik, ma’muriy ishlab chiqarish, yordamchi va boshqa xodimlar faoliyati shtatlar jadvalidagi lavozimlar orqali belgilanadi.
  6. Institut ta’lim jarayoniga shartnoma asosida o‘rindoshlik va soatbay haq to‘lash sharti bilan hamda budjetdan tashqari mablag‘lar hisobiga iqtisodiyotning tegishli tarmoqlaridan yuqori malakali mutaxassislar, oliy ta’lim muassasalarining professor-o‘qituvchilari ilmiy-tadqikot institutlarining yetuk mutaxassislari, shuningdek, xorijiy davlatlarning olimlari va mutaxassislari jalb qilinishi mumkin.
  7. Professor-o‘qituvchilarni bo‘sh turgan (vakant) lavozimlariga ishga qabul qilish va ular bilan mehnat shartnomasini bekor qilish amaldagi qonunchilik asosida direktor buyrug‘iga asosan amalga oshiriladi.
  8. Rahbar kadrlar, professor-o‘qituvchilar tarkibi, o‘quv-yordamchi va ma’muriy-xo‘jalik xodimlarining mehnatlariga haq to‘lash, amaldagi qonunchilik asosida amalga oshiriladi.
  • INSTITUTNING MOLIYaVIY-XO‘JALIK FAOLIYaTI
  1. Institutning moliyaviy faoliyati - moddiy-texnik ta’minoti, xodimlar mehnatiga haq to‘lash, asosiy faoliyat vazifalarini amalga oshirilishi, jumladan, professional ta’lim muassasalarining rahbar va pedagog kadrlari qayta tayyorlash va ularning malakasini oshirish hamda boshqaruv kadrlari zahirasini maqsadli o‘qitish kurslari tadbirlarini moliyalashtirish qonun xujjatlarida belgilangan tartibda quyidagilar hisobiga amalga oshiriladi:

tasdiqlangan jadvallarga muvofiq ushbu maqsadlar uchun har yili O‘zbekiston Respublikasi Davlat budjeti parametrlarida nazarda tutiladigan mablag‘lar doirasidagi budjet mablag‘lari;

malaka oshirish va qayta tayyorlash tizimida professional ta’lim muassasalarining pedagog kadrlarini o‘qitish uchun buyurtmachilarning mablaglari;

yuridik va jismoniy shaxslarning kadrlar malakasini oshirish va ularni qayta tayyorlash uchun maqsadli to‘lovlari, ta’lim xizmatlari ko‘rsatishdan, ilmiy-o‘quv, o‘quv-metodik, didaktik, ilmiy va axborot- tahliliy mahsulotlarni ishlab chiqish va boshqa faoliyat turlaridan olingan daromadlar;

professional ta’lim rahbar va pedagog kadrlarini qayta tayyorlash va ularning malakasini oshirish uchun jalb etiladigan grantlar va xorijiy kreditlar mablaglari;

yuridik va jismoniy shaxslarning homiylik xayriyalari;

qonun hujjatlarida taqiqlanmagan boshqa manbalar.

  1. Moliyaviy mablag‘lardan institutning huquqiy tasarrufida bo‘lgan binolar, inshootlar, qurilmalar, jihozlarni ta’mirlash, umumiy saqlash va Ustavda ko‘rsatilgan faoliyatlarni amalga oshirish uchun foydalaniladi.
  2. Professional ta’lim muassasalarining pedagog kadrlarini qayta tayyorlash va malakasini oshirish bo‘yicha tadbirlarni moliyalashtirish uchun budjet mablaglari Kasbiy ta’limni rivojlantirish va muvofiqlashtirish xududiy boshqarmalari tomonidan tegishli maxalliy budjetlar parametrlarida maqsadli tartibda tasdiqlangan jadval doirasida nazarda tutiladi.
  3. Vazirlik va idoralar tasarrufidagi kollejlarning pedagoglari va ishlab chiqarish ta’lim ustalarining malakasini oshirish va ularning malakasini oshirish shartnoma asosida amalga oshirilishi mumkin.
  4. Mablaglarni sarflash va ulardan foydalanish O‘zbekiston Respublikasining amaldagi qonunlari va Moliya vazirligi, Oliy va o‘rta maxsus ta’lim vazirligi hujjatlariga muvofiq amalga oshiriladi.
  • XALQARO FAOLIYaT
  1. Institut professional ta’lim sohasida O‘zbekiston Respublikasi qonunchiligi doirasida xorijiy davlatlarning turdosh tashkilotlari va muassasalari bilan hamkorlik kilish masalalari yuzasidan shartnomalar tuzadi, xalqaro loyiha va dasturlarda ishtirok etadi.
  2. Institutning xalqaro hamkorligi quyidagilarga asosan amalga oshiriladi:

professional ta’lim tizimini rivojlantirish, ta’lim tizimi sifatini oshirish, kadrlarni qayta tayyorlash va malakasini oshirish bo‘yicha samarali xorijiy tajribalarni o‘rganish hamda ilmiy-tadqiqot ishlari olib borish yuzasidan xalqaro dastur va loyihalarda ishtirok etish- Institut yo‘nalishiga mos faoliyatlarni amalga oshiradigan xorijiy muassasalar va markazlar bilan ilmiy-metodik hamkorlik qilish;

xorijiy davlatlar fuqarolarini shartnoma asosida malakasini oshirish va qayta tayyorlash;

Institut xodimlarini, tinglovchilarni hamda pedagoglarni ilgor xorijiy mamlakatlardagi yetakchi ilmiy va o‘quv markazlarida malaka

oshirishlarini tashkillashtirish;

professional ta’lim tizimini innovatsion rivojlantirish qayta tayyorlash va malakasini oshirish sohasida xalqaro ilmiy, ilmiy-amaliy konferensiya, simpozium, anjuman va ko‘riklarni tashkil qilish va xorijiy davlatlar tadbirlarida ishtirok etish.

 

  1. YaKUNLOVChI QOIDALAR
  2. Institut faoliyatini qayta tashkil etish va tugatish qonun hujjatlarida belgilangan tartibda amalga oshiriladi.
  3. Institutni qayta tashkil etish yoki tugatish jarayonida xodimlarning ijtimoiy himoyasi O‘zbekiston Respublikasi Konstitutsiyasi va amaldagi qonunchilikda belgilangan huquqlar bilan kafolatlanadi.
  4. Ushbu Ustavga o‘zgartirish va qo‘shimchalar Oliy va o‘rta maxsus ta’lim vazirligi bilan kelishilgan holda kiritiladi va tasdiqlanadi.

Barcha huquqlar himoyalangan. © 2004-2021. Ushbu saytda chop etilgan materiallarning to'liq yoki qisman ishlatilishida va keltirilishida rasmiy sayt manzili ko'rsatilishi shart..