О‘zbekiston Respublikasi Prezidenti SH.M. Mirziyoyev rahbarligida
2020-yil 6-avgust kuni о‘tkazilgan videoselektor yig‘ilishining
62-sonli bayonining 26-bandida Oliy va о‘rta maxsus ta’lim vazirligi
huzuridagi Kasbiy ta'limni rivojlantirish institutida
“Kasbiy ta’limni raqamlashtirish laboratoriyasi”ni tashkil etish
tо‘g‘risida kо‘rsatma berilgan.
Laboratoriya Oliy va о‘rta maxsus ta’lim vazirligining
2020-yil 5-oktabrdagi “Kasbiy ta’limni raqamlashtirish
laboratoriyasini tashkil etish tо‘g‘risida”gi 516-son qarori
hamda Institutning 2020-yil 10-oktabrdagi 229-sonli buyrug‘iga asosan tashkil etilgan.
Laboratoriyaning maqsadi – kasbiy ta’limni raqamlashtirish,
multimedia va elektron ta’lim resurslarini ishlab chiqadigan va
amaliyotga joriy etadigan asosiy tuzilma hisoblanadi.
Laboratoriyaning asosiy vazifalari:
kasbiy ta’lim tizimi uchun о‘quv-metodik adabiyotlarining yangi avlodini ishlab chiqish va joriy etish;
kasb va mutaxassisliklar bо‘yicha video instruktor va 3D modellarni yaratish ishlarini tashkil etish;
virtual reallik (VR/AR) texnologiyalarini qо‘llagan holda virtual laboratoriyalarni tashkil qilish;
elektron didaktik materiallarning yangi avlodini yaratish va joriy etish;
maxsus fanlar va о‘quv amaliyotlari yо‘riqli texnologik xaritalarni takomillashtirish ishlarini tashkil qilish;
professional ta’lim muassasalarida elektron kutubxonalarni bosqichma-bosqich tashkil etish va rivojlantirish;
axborot-resurs markazlarini elektron resurslar bilan ta’minlash va foydalanishni metodik jihatdan qo‘llab-quvvatlash;
fundamental, amaliy va innovatsion tadqiqotlarda ishtirok etish.
Laboratoriya o‘ziga yuklangan vazifalar ijrosini ta’minlash maqsadida
quyidagi faoliyat turlarini amalga oshiradi:
professional ta’lim muassasalarini boshqarishni avtomatlashtirish va pedagoglar bazasini shakllantirish;
multimedia ilovalari, audio, vizual va virtual ta’lim vositalarini yaratish va joriy etish;
elektron o‘quv-metodik adabiyotlar bazasini shakllantirish va ta’lim platformalariga joylashtirish;
videokonferensiya aloqalari orqali uzluksiz masofaviy metodik xizmat ko‘rsatishni yo‘lga qo‘yish;
virtual reallik texnologiyalari, simulyatorlar va videoinstruktorlarni ta’limga joriy etish;
xorijiy va milliy tajribalarni o‘rganish va amaliyotga tatbiq etish;
innovatsion ishlanmalar bo‘yicha patentlar va mualliflik guvohnomalari olish.
